Hewlêr (Rûdaw) – Berdevkê Wezareta Tendurustiya Herêma Kurdistanê Xalis Qadir ragihand, ji ber hatina hejmareke zêde yê koçberan, li Herêma Kurdistanê pirsgirêka dermanan heye û wan ji Tirkiyê daxwaza dermanan kiriye.
Berdevkê Wezareta Tendurustiya Herêma Kurdistanê Xalis Qadir ji Rûdawê re ragihand; “Heta niha jî li Kurdistanê karta taybetî û ya giştî têkel e û bîmeya tendurustiyê ya mehwelatiyan nîne. Di dema civîna ligel Wezîrê Tendurustiya Tirkiyê de me daxwaza derman û pêwîstiyên pizîşkî kir. Di mijara tendurustiyê de Tirkiye welatekî xwedan ezmûn e û ji bo pêşxistina kerta tendurustiyê em dikarin sûdê ji wan werbigrin.”
Qadir got, ku di civînê de wan daxwaza hinardekirina dermanan ji Tirkiyê kirine û bi vî awayî dê nirxê dermanan dakeve û kalîteya wan jî baş be.
Xalis Qadir herwiha diyar kir, ku piraniya welatên cîran şandina nexweşan weke çavkaniyeke aborî û yê dahatê dinirxînin.
Berdevkê Wezareta Tendurustiyê diyar kir, hindek neştergerî û çandina endamên laşên mirovan li Kurdistanê tên kirin, lewma hewce nake ti nexweşan bişînin derve.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse