Li Cizîra Rojavayê Kurdistanê bi 4 hezar û 500 zarokî re otîzm heye

Hewlêr (Rûdaw) - Li Cizîra Rojavayê Kurdistanê zêdetirî 4 hezar û 500 zarokên tûşbûyên otîzmê hene.

Bijîşkê pisporê otîzmê Barzan Silêman berî niha ji Rûdawê re ragihandibû ku derbarê hejmara tûşbûyên otîzmê yên li Sûriye û Rojavayê Kurdistanê ti amarên fermî nînin lê hinek texmîn hene.

Bi gotina Barzan Silêman, li Herêma Cizîrê ya Rojavayê Kurdistanê bi "ji 3 hezar û 500 heta 4 hezar û 500 zarokî" re otîzm heye.

Li temamiya Sûriyeyê jî bi 40 hezar heta 50 hezar zarokî re otîzm heye.

Li Sûriye û Rojavayê Kurdistanê rêjeya otîzmê ji sala 2011yan ve li gorî salên berî wê bilindtir dibe. 

Bi gotina pisporan sedema sereke ya vê yekê jî psîkolojî ye lê sedemên zikmakî û jîngehî jî hene.