Fîçer - Hisam Lurnejad 110 stran bi Kurdî û Farisî gotine

Mala Muzîkê ya Zehawî Hisam Lurnejad ji bo konsertekê li Silêmaniyê vexwend. Hisam hunermendekî diyar ê Rojhilatê Kurdistanê û kurê hunermend Hişmetula Lurnejad e. Hişmetula di nîvê duyem ê sedsala borî de stran gotine û zêdetirî 200 berhemên wî hene.

Hişmetula strana (Korpey şîrînim – Pitikê min ê şîrîn) ji kurê xwe Hisam re gotiye. Hisam berdewamiya bavê xwe ye û piştî mirina bavê xwe dest bi stranbêjiyê kir.

Hisam sala 1977an ji dayik bû. Li Tehranê mezin bûye û heta bîst saliya xwe bi zimanê Kurdî nizanîbû, lê paşê xwe hînî Kurdî dike.

110 berhemên Hisam Lurnejad bi zaravayên cuda yên zimanê Kurdî û her wisa bi zimanê Farisî jî hene.