Navenda Nûçeyan – Cîgirê Serokê Giştî yê AK Partiyê Beşir Atalay dibêje pêvajoya aştiyê hêj bidawê nehatiye û ji bo berdewamiya pêvajoya dibe dewlet û sazî bi Ocalan re hevdîtinan bikin.
Berdevkê AK Partiyê Beşir Atalay beşdarî bernameyekê televîzyona NTVyê bû û tê de operasyonên Artêşa Tirkiyeyê yên li dijî PKKê û DAIŞê nirxand.
Beşir Atalay derbarê hevdîtinên li gel Reberê PKKê yê girtî Adullah Ocalan de got, her tim dibe sazî û dewlet ligel Ocaln hevdîtinan bikin û ew yek jî helwestek normal e.
Atalay derbarê pêvajoya çareseriyê dibêje niha rawestandinek heye, lê heger PKK ji nava sînorê Tirkiyeyê derbikeve û dest çekan berde, pêvajo dê bidome.
Atalay wiha got: “Divê DAIŞ, PKK û DHKP-C ji hev neyên cudakirin. DHKP-C rêxistinekê bi kirêgirtî ye. DAIŞ li herêmê bûye dezgehek bela û navê îslamê xirab dike. Bûyera Pirsûsê sebra me nehîşt.”
Berdekê AK Partiyê herwiha pirsa “Pêvajoya çareseriyê dê bidome an bi dawî hatiye?” wiha bersivand:
“Li hemû welatan ji bo çareserkirina pirsgirêkên wiha hewldan didome. Niha di vê mijarê de rawestandinek heye, lê eger endamên terorê biçin derveyê welat û çekên xwe dane, ew hewldan dê dest pê bikin. Armanc ev e.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse