Hewlêr (Rûdaw) - Wezîrê Karên Navxwe yê Tirkiyeyê Alî Yerlîkaya ragihand, di du rojên Cejna Remezanê de di qezayên trafîkê de 19 kesan canê xwe ji dest da.
Wezîrê Karên Navxwe yê Tirkiyeyê Alî Yerlîkaya îro li hesabê xwe yê Xê amarên qezayên trafîkê yên di Cejna Remezanê de belav kirin.
Alî Yerlîkaya da zanîn ku roja duyem a cejnê 709 qezayên trafîkê çêbûne û 14 welatiyan canê xwe ji dest daye û hezar û 280 kes birîndar bûne.
Yerlîkya got, “Di du rojên betlaneya cejnê de rojên şemî û yekşemê mixabin 19 welatiyên me canê ji dest da û 2 hezar û 499 welatî jî birîndar bûn.
Roja duyem a cejnê tîmên me pişkînîna 420 hezar û 737 otomobîlan kir.
Li 22 hezar û 310 otomobîlan cezaya radar û bilezbûnê û li 18 hezar û 49 otomobîlan cezayên din hatin birîn.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse