Tirkiye
Serokkomarê Tirkiyê û Serokê Giştî yê AK Partiyê Recep Tayyip Erdogan û Serokê Giştî yê CHPê Kemal Kiliçdaroglu. Grafîk: Rûdaw
Hewlêr (Rûdaw) - Li gor encama rapirsiya Navenda Lêkolînên Gezici, dengê AK Partiyê %31.3 û dengê CHPê %27.2 ye. Her li gor heman rapirsiyê, eger ji bo posta serokkomariyê rikeberî di navbera Kemal Kiliçdaroglu û Recep Tayyip Erdogan de be, Kiliçdaroglu bi rêjeya %51.5 biser dikeve.
Navenda Lêkolînên Gezici, encama rapirsiya di navbera 15-20ê Çileyê li 12 bajaran bi hezar û 420 kesan re kiribû eşkere kir. Li gor encaman dengên Tifaqa Cumhur ku ji partiyên desthilatê AK Partî û MHPê pêk tê %39.4 in û dengên Tifaqa Millet ku partiyên opozîsyonê CHP û ÎYÎ Partiyê pêk tê %39.3 ne.
Li gor encamên rapirsiyê eger hilbijartina serokkomariyê di navbera Serokê CHPê Kemal Kiliçdaroglu û Serokkomar Recep Tayyip Erdogan de bimîne Kiliçdaroglu bi rêjeya %51.5 biser dikeve.
Herwiha li gor encamên rapirsiyê CHPê li Bakurê Kurdistanê di navbera %15-18an de dengê xwe zêde kirine.
Li gor rapirsiyê dengên partiyan wiha ne:
AK Partî: % 31,3
CHP: % 27,2
ÎYÎ Partî: % 12,1
HDP: % 11,5
MHP: % 8,1
Partiya DEVA: % 2,1
Partiya Pêşerojê: % 1,4
Partiya Memleket: % 1,3
Seadet: % 1,2
Partiya Zafer: % 1,1
Partiya Ji Nûve Xweşguzarî: % 1
BBP: % 0,9
Partiya Demokrat: % 0,3
TDP: %0,2
Partiya Karker a Tirkiyê: % 0,2
Partiya Vatan: % 0,1
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse