Gule li 4 kesan reşandin: 3 kes hatin kuştin

RÛDAW

Hewlêr (Rûdaw) - Li navçeya Çeşmeyê ya parêzgeha Îzmîrê 2 kom bi çekan pev çûn û 3 kes hatin kuştin û kesek jî birîndar bû.

Li gorî zanyariyan li taxa Fahrettîn Paşa ya Çeşmeyê di navbera 2 koman de pevçûn derketiye û kesekî bi çekê gule li 4 kesan reşandin.

Li ser agahdarkirinê tîmên tenduristiyê û cendirmeyan çûn cihê bûyerê.

Hat ragihandin ku 3 kesên bi navê Azad Demîr, Abdurrahîm Dogan û Mehmet Saît Medenî li cihê bûyerê mirine.

Tîman kesekî birîndar jî bir Nexweşxaneya Dokuz Eylulê.

Piştî bûyerê êrişkar nehatiye girtin lê 2 kesên ku di dema bûyerê de bi wî re bûne hatine desteserkirin.