Li Stenbolê êrişî avahiya DEM Partiyê hatibû kirin: Rewşa dawî çi ye?

Hewlêr (Rûdaw) - Li parêzgeha Stenbolê piştî ku êrişî rêxistina Sultangaziyê ya DEM Partiyê hat kirin 2 kes hatin desteserkirin.

Tîmên Rêveberiya Şaxa Rûbirûbûna Terorê ya Stenbolê di encama operasyonekê de 2 kes desteserkirin ku tê îdiakirin gumanbarên êrişa li rêxistina Sultangaziyê ya DEM Partiyê ne.

Hat ragihandin, kesekî ku hatiye desteserkirin berê jî tawanên wekî “bi qestî birîndarkirin, zererdana mal û sextekariya pereyan” kirine.

Hevserokê rêxistina Sultangaziyê ya DEM Partiyê Faruk Kaya ragihandibû ku kes an jî kesên nediyar bi çekan gule li avahiya rêxistina partiya wan reşandine.

Di encama êrişê de camên avahiyê şikiyan.