Hewlêr (Rûdaw) - Li navçeya Silifkeyê ya parêzgeha Mersînê yê Tirkiyeyê otobusa serwîsa karkeran ji kontrola şofêr derket û çû aliyê din ê rê û li serwîs û otomobîlekê qelibî.
Li gorî zanyariyan, heta niha di bûyerê de 2 kesan canê xwe ji dest da û 35 kes jî birîndar bûn
Herwiha hat ragihandin ku rewşa tenduristiya 2 birîndaran xirab e.
Hat zanîn ku serê sibehê otobusa serwîsa karkeran a bi şofêrtiya Î.K. ku ji aliyê Antalyayê ve ber bi Mersînê ve diçû, ji kontrola şofêr derket û çû aliyê din ê cadeyê.
Li aliyê din ê rê li otomobîlek û serwîseke karkeran qelibî. Di bûyerê de 2 kesan canê xwe ji dest da û 35 kes jî birîndar bûn.
Li ser agahdarkirina acendirme, tîmên tenduristiyê û parastina sivîlan çûn cihê bûyerê.
Dema tîm gehiştin cihê bûyerê wan tespît kir ku çawîşê pispor ê bi navê Bariş Gulçiçek (34) û keseke di otobûsa serwîsa karkeran de ê bi navê İsmailova Ncmannoba (38) li cihê bûyerê canê xwe ji dest da ye.
Tîmên tenduristiyê birîndar birin Nexweşxaneya Dewletê ya Silifkeyê û nexweşxaneyên taybet ên herêmê.
Li gorî agahiyên hatine belavkirin derbarê bûyerê de lêpirsîn hatiye destpêkirin û rewşa tenduristî ya 2 birîndaran jî xirab e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse