Li Tirkiyê 3 hezar û 974 karmend ji kar hatin derxistin

Navenda Nûçeyan – Li Tirkiyê du biryarnameyên di hukmê qanunê de hatin belavkirin.

Di Rojnameya Fermî ya Tirkiyê de li ser jikarderxistin, girtina  saziyan, vegera ser kar bi hejmarên 689 û 690 du biryarnameyên di hukmê qanunê de hatin weşandin.

Li gor van biryarnameyan 3 hezar û 974 karmendên hikûmetê, ji karê xwe hatin derxistin, 731 karmend jî vegeriyan ser karên xwe.

Ji gelek wezaret û saziyên fermî karmend ji karên xwe hatin derxistin.

Herwiha 18 veqif, 14 komele û 13 saziyên tendirustiyê hatin girtin.

59 kes ji xwendekariyê hatin dûrxistin ku ew xwendekar li derveyî Tirkiyê bi alîkariya darayî ya dewletê dixwendin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger