Hewlêr (Rûdaw) - Li parêzgeha Stenbolê ji 1ê Sibatê ve dê nan bi 4 lîreyên Tirkî bê firotin û nanpêj dibêjin eger rewş bi vî awayî berdewam be dê meheke din nan bibe 5-6 lîreyên Tirkî.
Serokê Sendîkaya Karsazên Nanpêjan Cihan Kolivar derbarê bihayê nan ê Stenbolê de got eger tedbîr neyên wergirtin piştî meheke din dê bihayê nan bibe 5-6 lîreyên Tirkî.
Li Stenbolê di Kanûna 2021ê de bihayê nan hatibû zêdekirin û bi 3 lîreyan dihat firotin. Li gor biryara dawî ya zêdekirina bihayê nan dê li navçeyên Beşiktaş, Sariyer û Şişliyê nan bi 3.5 lîreyan û li navçeyên Kadikoy, Maltepe û Ataşehirê jî bi 4 lîreyan bê firotin.
Li gor biryara Sendîkaya Nanpêjan biryara zêdekirina bihayê nan ji aliyê odeyên pîşesazî yên girêdayî odeyên bazirganiyê ve tê dayîn. Lê di 6 mehên dawî de ji ber zêdebûna bihayê elektrîk, gaza xwezayî, hevîrtirş û ard bêyî ku nanpêj li bendî biryara odeyan bin bi xwe bihayê nan zêde dikin. Li Stenbolê niha bihayê nan yê fermî 2,5 lîreyên Tirkî ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse