Hewlêr (Rûdaw) – Li Stenbolê di avahiyekê de teqînek çêbû.
Li gorî agahiyên destpêkê kesekî canê xwe ji dest daye û 4 kesên din jî birîndar bûne.
Li Taxa Şîrînevlerê ya navçeya Bahçelîevlera Stenbolê li qata pêncan a avahiyekê teqînek çêbû.
Tîmên agirvemirandinê, tenduristî û polîs çûn cihê bûyerê.
Li gorî zanyariyên despêkê, teqîn ji ber pirsgirêka gaza sirûştî qewimiye.
Tê gotin ku di encama teqînê de kesekî canê xwe ji dest daye û 4 kesên din jî birîndar bûne.
Hat zanîn ku rewşa 2 birîndar xeter e.
Derbarê bûyerê de Şaredarê Bahçelîevlerê Hakan Bahadir jî got:
“Li qata jor a avahiyeekê ji ber gaza sirûştî teqîn çêbû û pişt re jî şewat derket. Weke şaredarî em ji kêliya yekem ve li wir in.
Her çendî ne diyar be jî kesek mir û 4 kes jî birîndar bûn. Hevalên me niha hewl didin agir vemire. Herwiha niha avahiyên derdorê têne valakirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse