Hewlêr (Rûdaw) - DEM Partiyê derbarê rewşa tenduristiyê ya Ahmet Turk got, " Ahmet Turk pêvajoya kemoterapiyê bi serkeftî derbas kir û dest bi radyoterapiyê kir."
Hevserokên DEM Partiyê Tulay Hatîmogullari û Tuncer Bakirhan çûn serdana Ahmet Turk ku ji ber nexweşiyê tê tedawîkirin.
DEM Partiyê li ser rewşa tenduristiyê Ahmet Turk daxuyaniyek belav kir.
DEM Partiyê di daxuyaniya xwe de wiha got:
"Hevserokê me yê Şaredariya Bajarê Mezin a Mêrdînê Ahmet Turkê ku ev demek e tê tedawîkirin pêvajoya kemoterapiyê bi serkeftî derbas kir û dest bi radyoterapiyê kir.
Em bi dil û can bawer dikin ku ew ê di demeke herî kurt de vegere nav hewldanên aştiyê yên berdewam, careke din em jê re şifayek bilez dixwazin."
Li gorî zanyariyan, Ahmet Turkê 82 salî beriya 3 mehan bi nexweşiya penceşêra pişikê ketiye û li nexweşxaneyeke taybet a Enqereyê tê tedawîkirin.
Bir süredir tedavi gören Mardin Büyükşehir Belediye Eşbaşkanımız Ahmet Türk kemoterapi sürecini başarıyla atlattı, radyo terapiye başladı. Yürütülen barış çalışmalarına en kısa sürede döneceğine yürekten inanıyor, kendisine bir kez daha geçmiş olsun dileklerimizi iletiyoruz. pic.twitter.com/L5zLzEaWYv
— DEM Parti (@DEMGenelMerkezi) April 28, 2025
.jpg&w=3840&q=75)
