Li Stenbolê bi tohmeta endamtiya DAIŞê 12 kes hatin desteserkirin

RÛDAW

Hewlêr (Rûdaw) - Li parêzgeha Stenbolê ya Tirkiyeyê, bi tohmeta endamtiya DAIŞê 12 kes hatin desteserkirin.

Şaxa Terorê ya Rêveberiya Ewlehiyê ya Stenbolê, li 7 navçeyan ji bo desteserkirina 12 endamên DAIŞê dest bi operasyonê kir.

Hat ragihand ku peywendiya wan 12 endamên DAIŞê bi herêmên şer hebûye.

Di operasyonê de polîsan bi ser 14 navnîşanan de girt û 12 kes desteser kirin.

Kesên hatin desteserkirin ji bo karên îfadewergirtinê veguhestin Rêveberiya Ewelehiyê ya Stenbolê.

Di çarçoveya operasyonan de xebatên ji bo girtina 2 gumanbaran jî berdewam dikin.