Girtiyekî Kurd ê nexweş canê xwe ji dest da

Hewlêr (Rûdaw) - Girtiye Kurd ê nexweş Şefîk Esenê ji Ameda Bakurê Kurdistanê li nexweşxaneyê canê xwe ji dest da.

Şefîk Esenê gelek nexweşiyên wî hebûn û li girtîgeheke bajarê  Afyonê  yê Tirkiyeyê  dihat girtin.

Girtiyê Kurd ku 40 roj bûn li nexweşxaneya Zanîngeha Eskîşehîrê dihat dermankirin îro canê xwe ji dest da.

Li gorî zanyariyan, gelek nexweşiyên Şefîk Esen ên kronîk hebûn û tevî wan nexweşiyên xwe nedihat berdan.

Ajansa Mezopotamyayê ragihandiye ku dê cenazeyê Esen li navçeya Çinarê ya Amedê bê veşartin.

Şefîk Esen Kanûna Pêşîna 2023yan bi hinceta “propagandeya rêxistina terorê” hatibû girtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger