Hewlêr (Rûdaw) - Li gor rapirsiya dawî ya Navenda Lêkolînan a Gezici, li Tirkiye û Bakurê Kurdistanê ji %74.8ê welatiyan rewşa aborî wek pirsgirêka herî girîng dibînin û ji her 3 kesan 2 kes dibêjin ku ew deyndar in.
Navenda Lêkolînan a Gezici encamên rapirsiya xwe ya “Rewşa Aborî” ku di navbera 28 û 29ê Gulana 2022ê de li 14 parêzgehan ligel 1570 kesan pêk aniye eşkere kir.
Li gor rapirsiyê ji %60.6ê beşdaran gotine deyndar in û ji %39.4 jî gotine deynê wan nîne. Herwiha li ser pirsa “Niha pirsgirêka herî girîng ya Tirkiyê çi ye?”, beşdaran wiha bersiv dane:
Aborî-Zehmetiya Debara Jiyanê: %74.8
Bêkarî: %43.2
Nexweşî: %34.4
Hiqûq-Dadwerî: %32.7
Perwerde: %18.8
Penaber û Koçber: %15.6
Teror: %13.8
Gendelî: %11.7
Demokrasî-Azadiya Ramanê: %10.1
Endamnebûna Yekîtiya Ewropayê: %5.8
Polîtîkaya Derve: %4.2
Pîsbûna Jîngehê: %1.3
Di rapirsiyê de ji %62.4ê beşdaran wek sedema rewşa xirab a aboriya Tirkiyê “polîtîkayên şaş ên hikûmeta AKPê” nîşan dane û ji %29.9an jî gotine “ev operasyoneke hêzên derve ye li dijî Tirkiyê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse