Li Mûşê deng dîsa têne hejmartin

Navenda Nûçeyan - Li bajarê Mûşê yê Bakurê Kurdistanê li ser îtiraza AK Partiyê hemû deng dîsan tên hejmartin.

Serokatiya Bajêr a Mûşê ya AK Partiyê ji ber hinceta di encamên hilbijartinê de "xeletî heye" serî li Lijneya Hilbijartinê ya Navend a Bajêr da.

Lijneya Hilbijartinê ya Bajêr daxwaznameya AK Partiyê qebûl kir û biryar da ku deng dubare bên hejmartin

Heimartina dengan dest pê kir.

Li Mûşê li gor encamên destpêkê Partiya Demokratîk a Gelan (HDP) bi rêjeya ji sedî 54.48 3 kursî û AK Partiyê bi rêjeya ji sedî 32.40 kursiyek bidest xistibû.

24ê hezîranê li Tirkiye û Bakurê Kurdistanê hilbijartina serokomarî û hilbijartinên giştî yêngera 27an a parlementoyê hat kirin. Ji sedî 86.2 beşdarî di hilbijartinan de bûye.

Di hilbijartinên 24ê hezîranê de 51 milyon û 178 hezar û 630 dengder çûne ser sindoqan. Ji dengên hatine dayîn 50 milyon û 125 hezar û 400 hate qebûlkirin û milyonek û 53 hezar deng jî hatine betalkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger