Hewlêr (Rûdaw) - Desteya Bilind a Hilbijartinên Tirkiye (YSK) qedexeyên gera duyem a hilbijartina serokkomariya Tirkiyê ragihandin û qedexe dê heta 28ê Gulanê demjimêr 24:00 berdewam be.
Li gor daxuyaniya Desteya Bilind a Hilbijartinên Tirkiye qedexeya propagandeya gera duyem a hilbijartina serokkomariyê îro Şemiyê 27ê Gulanê demjimêr 18:00 destpê dike û dê heta sibe demjimêr 21:00 berdewam be.
Herwiha qedexeyên roja hilbijartinê jî 28ê Gulanê demjimêr 06:00 destpê dikin û dê heta nîvê şevê 24:00 bi dawî dibin.
Li gor YSKê:
1- 28ê Gulanê firotina vexwarinên bi alkol ji demjimêr 06:00 heta demjimêr 24:00 qedexe ye.
2- Roja hilbijartinê dê qahwexane, kafeyên înternetê û cihên giştî girtî bin û tenê li xwaringehan dê xwarin bê dayîn.
3- Dikarin dawetan piştî demjimêr 18:00an bikin.
4- Li cihên nîştecihbûnê ji derveyî hêzên emnî kes nikare çekê hilbigre.
5- Qedexeya propagandeyê 27ê Gulanê demjimêr 18:00 destpê dike û dê 24 demjimêran berdewam be. Roja hilbijartinê jî heta hemû sindoq neyên girtin divê propaganda, nûçe û weşan neyên kirin.
6- Roja hilbijartinê di navbera demjimêr 18:00 û 21:00an de tenê daxuyaniyên Desteya Bilind a Hilbijartinên Tirkiyê (YSK) tên weşandin û belavkirin.
7- 28ê Gulanê piştî demjimêr 21:00 dê qedexeya weşanê bê rakirin û eger bixwaze YSK dikare vê yekê beriya wê demê jî rabigihîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse