Fezlekeyên Pervîn Buldan û 17 parlamenterên din gihîştin parlamentoyê

Hewlêr (Rûdaw) - Hevseroka Giştî ya HDPê Pervin Buldan û Hevseroka Partiya Herêmên Demokratîk (DBP) Saliha Aydenîz jî di nav de fezlekeyên derbarê 18 parlamenteran bo serokatiya Parlamentoya Tirkiyê hatin pêşkeşkirin.

Li gor agahiyên hatine belavkirin, roja Înê 27ê Çileya 2023an de bi armanca rakirina parêzbendiyê 26 fezlekeyên derbarê 18  parlamenteran de ku Hevseroka Partiya Demokratîk a Gelan (HDP) Pervîn Buldan, Hevseroka Partiya Herêmên Demokratîk (DBP) Saliha Aydenîz û Parlamenterê Partiya Gel a Komarî Gursel Tekîn jî di nav de de cih digrin, bo Serokayetiya Parlamentoyê hatin pêşkêşkirin.

Piştre fezlekeyên 18 parlamenteran yên derbarê rakirina parêzbendiyê de  ji aliyê Serokê Parlamentoya Tirkiyê ve bo Komisyona Têkel a Destûr û Dadê ya Parlamentoya Tirkiyê hatin şandin.

Parlamenterên ku fezlekeyên rakirina parêzbendiyê derbarê  wan de hatine amadekirin û ji Komisyona Destûra Bingehîn û Dadê  ya Parlamentoya Tirkiyê re hatine şandin wiha ne:

Ji Grûpa HDPê; Hevseroka HDPê Pervîn Buldan (2), Parlamenterên Wanê Sezaî Temellî (4) û Tayîp Temel, Murat Sarisaç (2), Parlamentera Muşê Gulistan Kiliç Koçyîgît (2), Parlamenterê Agiriyê Berdan Ozturk (2), Parlamenterê Antalyayê Kemal Bulbul, Parlamenterê Îzmîrê Murat Çepnî, Parlamenterê Rihayê Omer Ocalan, Parlamentera Şirnexê Nuran Îmîr, Parlamentera Mêrdînê Ebru Gunay, Parlamenterê Sakaryayê Umît Dîkbayir, Parlamenterê Colemêrgê Saît Dede, Parlamenterê Kocaeliyê Omer Faruk Gergerlioglu, Parlamenterê Stenbolê Ahmet Çelîk, Parlamenterê Êlihê Mehmet Ruştu Tiryakî. Her wiha ji DBPê Saliha Aydenîz Hevseroka DBPê (2), ji CHPê jî Gursel Tekîn Parlamenterê Stenbolê yê CHPê (2).