Hewlêr (Rûdaw) - Li Enqereya paytexta Tirkiyeyê, şeva borî di navbera du cîranan de ji ber dengê bilind nîqaş derket û di encamê ji heman malbatê kesek hat kuştin û 5 kes jî birîndar bûn.
Li Enqereyê di nav 3 rojan de di pevçûna cîranan de 8 kes hatin kuştin û 7 kes birîndar bûn.
Li Taxa Sancaktepeyê ya navçeya Keçiorenê ya Enqereyê, şeva borî ji ber dengê bilind û teqereqê di navbera R.C.O. û cîranên wî de nîqaş derket.
Piştî mezinbûna nîqaşê R.C.O. di nav avahiyê de bi demançeyê gule li cîranên xwe reşandin û di encamê de E.T, Z.T, M.T, H.T, F.O. û Kerim Tokgoz birîndar bûn.
Li ser agahdarkirinê tîmên tenduristiyê û polîs çûn cihê bûyerê.
Tîman her 6 birîndar veguhastin nexweşxaneyên cuda yên Enqereyê.
Tevî midaxeleya li nexweşxaneyê Kerim Tokgoz canê xwe ji dest da.
Dermankirina birîndarên din berdewam e.
Êrişkar R.C.O. ji cihê bûyerê reviya û polîsan ji bo desteserkirina wî dest bi xebatê kir.
Li Enqereyê 23yê mehê 5 kesên ji heman malbatê ji aliyê cîranên xwe ve hatibûn kuştin.
Herwiha 24ê mehê jî bav û kurek ji aliyê cîranên xwe ve hatibûn kuştin û du kesên din jî hatibûn birîndarkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse