Hewlêr (Rûdaw) – Li Tirkiyê bi serokatiya wezîrê berê yê tendirustiya wî welatî Rifat Serdaroglu, partiyeke nû bi navê Partiya Rast (Dogru Partî) hat damezrandin.
Wezîrê berê yê Tendirustiyê Rifat Serdaroglu ligel hejmareke berpirs û dîplamatkarên dêrîn dîsan bi awayeke çalak dest bi siyasetê dikin.
Daxwaznameya damezrandina, Partiya Rast a bi serokatiya siyasetmedarê Tirk Rifat Serdaroglu, ji aliyê endamên wê partiyê ve bo Wezareta Navxwe ya Tirkiyê hat pêşandan.
Yek ji endamên Desteya Damezrîner a Partiya Rast Fatma Kabadayî, li ber deriyê avahiya Wezareta Navxwe ya Tirkiyê têkildarî partiyê de daxuyanî da û got: “Em dixwazin bibin dengê wan kesan ku hêviyên xwe ji desthilatdarî û dijbereya niha birîne. Em dizanîn ku tevahiya welatiyên me yên li nav sînorên mîsaqî mîllî dijîn, daxwaza pêkvejiya, aramî, aştî û wekheviyê dikin. Em soz didin ji bo pêkanîna vê yekê bêyî rewastan kar bikin.”
Di heyama îsal de li Tirkiyê çar partiyên nû hatin avakirin.
Partiya Demokrasî û Pêşveçûnê ku partiyeke nû ya Tirkiyê ye û bi serokatiya Ali Babacan piştî cudabûna ji AK Partiyê hatiye damezrandin.
Partiya Paşeroj a bi serokatiya Ahmet Davutoglu ku ew jî piştî cudabûna ji AK Partiyê hatiye damezrandin.
Partiya Nûbûn a bi serokatiya parlamenterê berê yê CHPê Ozturk Yilmaz jî yek ji partiyên nû ye li Tirkiyê hatiye avakirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse