Kabîneya Tirkiyeyê îro dicive

Hewlêr (Rûdaw) - Kabîneya Tirkiyeyê îro bi serokatiya serokkomarê wî welatî Recep Tayyîp Erdogan li Enqereyê dicive.

Piştî 15 rojan Kabîneya Tirkiyeyê îro demjimêr 16:00 li Enqerê dicive ku herî dawî 10ê Çiriya Paşîn li Koşka Çankayayê hatibû kirin.

Tê pêşbînîkirin ku di civînê de rewşa dîplomasî û aborî ya Tirkiyeyê bê nirxandin û derbarê mûçeyê sala 2025an de gotûbêj bên kirin.

Beriya niha Serokkomarê Tirkiyeyê Recep Tayyîp Erdogan ji bo enflasyona dawiya salê gotibû ew ji sedî 44 armanc dikin lê mûçeyê kêmane çawa bê diyarkirin yek ji mijara girîng a civînê ye.

Her wiha herî dawî piştî şaredariyên Esenyurt, Mêrdîn, Êlih û Xelfetiyê qeyûm tayînî şaredariyên Dêrsim û Pulurê kirin û tê çaverêkirin ku mijara qeyûman jî bê nirxandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger