Şaşiyek çêbû. Tika ye paşê dîsa hewl bide.
Kesekî 2 cîranên xwe kuştin û 2 jî birîndar kirin
Hewlêr (Rûdaw) – Li paytexta Tirkiyeyê bajarê Enqereyê bav û kurek ji aliyê cîranên xwe ve bi çekê hatin kuştin.
Li taxa Yaylayê ya navçeya Keçîorenê ya Enqereyê, nîqaşa ku tê îdiakirin ji ber temîra asansorê û dengê bilind derketiye, veguherî pevçûnê.
Huseyîn Alkan (59) bi çeka xwe cîranên xwe gulebaran kirin.
Di encamê de, Ugur Şahanê 49 salî û kurê wî Mehmet Alî Şahanê 15 salî li cihê buyerê canê xwe ji dest da.
Sevda Şahana 46 salî ku di êrişê de hevjînê xwe û kurê xwe ji dest da û rêvebera apartmanê Sema Taşkirana 46 salî jî birîndar bûn.
Gumanbar Huseyîn Alkan tevî çeka xwe hat desteserkirin.
Hat îdiakirin ku di navbera rêvebera apartmanê Sema Taşkiranê û gumanbar Huseyîn Alkan de ji ber temîra asansorê û dengê bilind nîqaş derketiye.
“Civak ber bi hilweşînê ve diçe”
Yek ji cîranê malbatê got ji Rûdaê re got:
“Civak ber bi hilweşînê ve diçe. Derûniya xelkê xirab bûye, em nizanin ew kîn û nefret ji kû tê.
Cîran tehamila cîran nake. Dibêjin aliyekî rênimayiyên apartmanê bin pê kirine û dengê bilind derxistiye û mafîrên xwe paqij kirine. Ev tişt jî bûye sedama pevçûnê.”
Li gorî îdîa û agahiyan, demeke ku di navbera malbata Alkan û Şahan de ji ber deng û paqija mafîran alozî çêbûye.
Herî dawî Ugur Şahan û kurê xwe dixwazin asansora xirab bûyî ya avahiyê çêbikin. Lewra dengê ku derdixin dibe sedema êrişa cîranê wan.
Nîştecihekî din ê taxê got:
“Cîranekî denge deng kiriye, jixwe berê jî rika wan li beramberî hev hebûye, wî jî ji ber denge dengê li cîranê xwe xistiye.”
Nîştecihekî din ê taxê jî wiha axivî:
“Li ber deriyê malê gule li jinekê barandine, paşê ketiye hundir û bav û kur kuştine. Dibêjin ji ber denge dengê lê berê di navbera wan de nîqaş hebûye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse