Karkerên Kurd nanê xwe ji agir derdixin / Wêne: AA
Hewlêr (Rûdaw) - Karkerên Kurd ên ji bajarên Riha û Mêrdînê, ji bo kar çûne bajarê Osmaniye yê Tirkiyeyê.
Li daristanê darê berûyan dibirin û wan daran bi rêbazên kevnar 2-3 hefteyan di argûnan de dişewitînin û dikin komir.
Karkerên ku bi malbatî dixebitin behsa zehmetiyên kar dikin.
Hasan Obakê ku karkerekî ji Rihayê ye got:
“Em bi malbatî li vê derê ne, zar û zêçên me jî li vir in. Wekî hûn dibînin derfet hinekî zehmet û sînordar in.
Wekî diyar dibe em ji bilindahiya 650 metreyan êzingan dikşînin. Em wan diqulibînin û dadixin jêrê.”
Karker piştî 5-6 mehan li xerîbiyê dimînin heta demsaleke din vedigerin welatê xwe.
"Piştî biqede em dê vegerin welatê xwe"
Seyfettin Eser jî karkerekî Mêrdînî ye, wî wiha behsa rewşa xwe kir:
“Dê karê me mehek û meh û nîveke din berdewam bike. Piştî biqede em dê vegerin welatê xwe.
5 zarokên min hene. Du zarokên min li cem min in û 3 zarok û hevjîna min jî li welêt in.”
Li Tirkiye û Bakurê Kurdistanê ji sedî 7,6ê komirê ji êzingan tê çêkirin.
Komira êzingan bi giştî ji bo menqelê tê bikaranîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse