Hewlêr (Rûdaw) - Di doza teqîna li Cadeya Îstîklalê ya Stenbolê de 3 kes hatin berdan.
13ê Çiriya Paşîn a 2022yan li kolana Îstîklalê ya navçeya Beyogluyê ya Stenbolê teqînek çêbûbû.
Di encama teqînê de 6 kesan canê xwe ji dest dabû û 81 kes birîndar bûbûn.
Berpirsa sereke ya êrişê Ehlam Elbeşîr û bersûcên din îro cara duyemîn derketin pêşberî dadger.
Dadgehê biryara berdana bersûcên girtî Zekeriya Mihemed Şemmomî, Mesûd Hesso û Mihemed Şêxo da.
Îro duyemîn rûniştina doza teqîna Beyogluyê ku 27 jê girtî 36 bersûc dihatin darizandin li 13emîn Dadgeha Cezayê Giran a Stenbolê hat dîtin.
Dadgehê ji ber ku wesfa sûc guheriye biryara qedexeya derketina derveyî welat da Zekeriya Mihemed Şemmomî, Mesûd Hesso û Mihemed Şêxo û ew her sê kes hatin berdan.
Di dozê de Ehlam Elbeşîr jî di nav de bi giştî 24 bersûc girtî ne.
Doz ji bo 13ê Çiriya Paşîn hat paşxistin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse