Hewlêr (Rûdaw) - Li navçeya Kagithaneyê ya Stenbolê, şeva borî di pevçûnekê de polîsek hat kuştin.
Polîsek jî hat birîndarkirin û birîna wî xedar e.
Tîmên Rêveberiya Ewlehiyê ya Stenbolê, şevê din li navçeya Kagithaneyê di operasyonekê de bi ser navnîşanekê de girt.
Kesên li wê derê bi çekên lûledirêj û demançeyan êrişî polîsan kir û di navbera wan de şer qewimî.
Di pevçûnê de polîsê bi navê Hakan Tellî hat kuştin û polîsê bi navê A.Y.Ç. jî bi giranî birîndar bû.
Gumanbarek hat kuştin
Herwiha di operasyonê de gumanbarek hat kuştin û 4 jî hatin girtin.
Yek ji gumanbarên ku hatiye girtin bi giranî birîndar e.
Li aliyê din, Parêzgariya Stenbolê li ser bûyerê daxuyanî da û ragihand:
“Li ser giliyekî polîs çûne navnîşanekê û gumanbaran bi çekên lûledirêj û demançeyan êrîşî polîsan kir.
Polîsên bi navê Hakan Tellî û A.Y.Ç. bi giranî birîndar bûn.
Bi hatina polîsên din re operasyon hat kirin û kesê bi navê D.A. hat kuştin.
Kesên bi navê O.A. bi birîndarî û G.D, K.T. û A.A. jî bi saxî hatin girtin.
Hakan Telliyê ku birîndar bû, li nexweşxaneyê canê xwe ji dest da û dermankirina A.Y.Ç. jî didome.”
Li gorî zanyariyan, hinek gumanbar jî ji cihê bûyerê reviyane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse