Hewlêr (Rûdaw) - Serokê Giştî yê MHPyê Devlet Bahçelî li ser şewata li Mêrdîn û Amedê hinek peyam dan.
20ê vê mehê di navbera navçeya Çinarê ya Amedê û navçeya Şemrexê ya Mêrdînê de şewateke mezin çêbû.
Heta niha 15 kesan wefat kiriye û xisareke gelekî mezin a madî heye.
“Bê guman dê sedemên şewatê werin tesbîtkitin”
Serokê Giştî yê MHPyê Devlet Bahçelî di civîna partiya xwe ya li Parlamentoya Tirkiyeyê de li ser vê şewatê got:
“Em bawer dikin dê bi tifaq û alîkariyê hemû pirsgirêk werin çareserkirin. Bê guman dê sedemên şewatê werin tesbîtkitin.”
Piştî şewatê gelek nijadperestan li ser hesabên xwe yê torên civakî Kurd kiribûn hedef û gelek kesan gotibû ku ew ji bo şewatê kêfxweş in.
Baroya Amedê piştre ragihandibû ku ew dê giliyê wan kesan bikin.
Devlet Bahçelî got ku ev tişt “komplo” ye û li pey çû:
“Xuya ye ku armanca Baroyê çi ye. Provokatorên ku biratiya me ya hezar salî dikin hedef xuya ne.”
Li hêla din, Devlet Bahçelî piştî civîna partiya xwe demekê rûnişt û dema rabû ser xwe jî bi zehmetî meşiya.
Serokê Giştî yê MHPyê Devlet #Bahçelî piştî civîna partiya xwe demekê rûnişt û dema rabû ser xwe jî bi zehmetî meşiya pic.twitter.com/SW0JdqJk2l
— RudawKurdi (@RudawKurdi) June 25, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse