Hewlêr (Rûdaw) - Li bajarokê Vezîrhanê yê parêzgeha Bîlecîkê yê Tirkiyeyê, 14 kûçik li kêleka rê mirî hatine dîtin.
Di encama lêpirsîna cendirmeyan de, 4 xebatkarên şaredariyê hatin desteserkirin.
Li ser rêya Bîlecîk û Sakaryayê, li ser sînorê bajarokê Vezîrhanê 14 kûçikên mirî hatin dîtin.
Li ser agahdarkirinê, tîmên cendirmeyan çûn cihê bûyerê.
Piştî lêkolînan hat zanîn ku 14 kûçik mirine û 1 jî birîndar e.
Li ser bûyerê, cendirmeyan lêpirsîn da destpêkirin.
Serdozgerê Komarê yê Bîlecîkê têkildarî bûyerê daxuyanî da û ragihand ku 4 gumanbar hatine desteserkirin.
Gumanbar beytarên şaredariyê ne
Derket holê ku 4 gumanbarên hatine desteserkirin endamên Rêveberiya Karên Beytariyê yê Şaredariya Bîlecîkê ne.
Hemû kamerayên li ser rêya Vezîrhanê hatin lêkolînkirin.
Di dîmenan de derket holê ku wesayîta Navenda Vejandina Ajelan a Şaredariya Bilecîkê, 22yê Çiriya Paşînê çûye cihê, kûçik lê hatine dîtin û li wir demekê rawestiyaye.
Herwiha di dîmenên Navenda Vejandina Ajelan de jî derket holê ku kûçikan dixin nav wesayîtê.
Li ser dîmenên derketine holê, 4 gumanbarên ku li navenda Vejandina Ajelana Şaredariyê dixebitin hatin desteserkirin.
“Ti eleqeya me bi qetlîama kûçikan re nîne”
Serokatiya Şaredariya Vezîrhanê têkildarî bûyerê daxuyanî da û got:
“Em jî bi xemgînî bûn şahidê komkujiya ku li ser sînorê Vezîrhan û Bîlecîkê qewimiye.
Li ser medyaya civakî dîmenên li stargeha ajelan têne parvekirin. Stargeh a şaredariya me nîne. Ti eleqeya me bi komkujiya kûçikan re nîne.
Bi fermana Serdozgerê Komarê derbarê mijarê de lêpirsîn hat destpêkirin. Em hêvî dikin ku tawanbar bêne girtin û cezakirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse