Li Bursayê balafireke perwerdeyê ket: 2 pîlot mirin
Hewlêr (Rûdaw) - Li Balafirgeha Yenîşehîrê ya parêzgeha Bursayê ya Tirkiyeyê balafireke perwerdeyê ket û 2 pîlot mirin.
Parêzgariya Bursayê li ser ketina balafira perwerdeyê daxuyanî da.
Li gorî daxuyaniya Parêzgariyê, balafira perwerdeyê ya dibistana taybet a firînê ku 2 kes tê de bûn ketiye xwarê.
Di daxuyaniyê de hat gotin ku di qezayê de 2 pîlot mirine.
Derbarê bûyerê de lêpirsîna edlî û îdarî hatiye destpêkirin.