Tirkiye
Beşek ji pêkhateya sîstema mûşekî ya S-400 a Rûsî ku Tirkiyê ji wî welatî wergirtiye. Wêne: AA
Hewlêr (Rûdaw) - Serokê Pîşesaziya Berevaniya Tirkiye yê Îsmaîl Demîr dibêje niyeta wan tuneye dev jî S-400ên Rûsî berdin.
Li gorî ku di medyayên Tirkiye de hatiye belavkirin, piştî îdiayên ku digotin Amerîka ji Tirkiye xwestiye sîstema S-400 ku berê ji Rûsyayê kirîbû bide Ukraynayê, Serokê Pîşesaziya Berevaniya Tirkiyê Îsmaîl Demîr bertek nîşan daye û red kiriye ku Tirkiye vê sîstema berevaniya esmanî ya Rûsî bide Ukraynayê.
Îsmaîl Demîr ji medyayên Rûsyare axiviye û gotiye: “Ev bo me ne mijara gotinê ye. Me ev mijar berê gotubêj kiriye û em niha bi Rûsyare re hevkariya xwe berdewam dikin. Tirkiye bi xwe polîtîka û rêya tê re biçe diyar dike.”
Heftiya derbasbûyî hinek çavkaniyan ji Reutersê re ragihandibûn ku Amerîka bi rêyên ne fermî ji Tirkiyê xwestiye ku sîstema berevaniya mûşekî ya S-400 ku ji Rûsya kiriye bide Ukraynayê daku li dijî êrişên Rûsyayê û ji bo parastina xwe bikar bîne.
Herwiha hatibû gotin, Alîkara Wezîrê Derve yê Amerîkayê Wendy Sherman jî dema serdana Tirkiyê kiribû, bi awayekî nerasterast ev mijar bi rayedarên Tirkiyê re gotubêj kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse