Hewlêr (Rûdaw) – Dadgehê, di doza Erdogan a li dijî Serokê CHPê Ozgur Ozel de vekiribû, biryar da ku Ozel 50 hezar lîreyên Tirkî tezmînat bide Erdogan.
Serokkomarê Tirkiyeyê Recep Tayyip Erdogan 17ê Kanûna Pêşînê ya 2023yan bi tohmeta ku “heqaret li mafê kesayetiya” wî kiriye derbarê Ozgur Ozel de li 25emîn Daîreya Hiqûqê ya Dadgeha Herêmî ya Enqerê gilî tomar kir.
25emîn Daîreya Hiqûqê ya Dadgeha Herêmî ya Enqerê, îro derbarê giliyê Erdogan de biryar da.
Dadgehê îdiayên Erdogan qebûl kirin û biryar da Ozel 50 hezar lîre (1700 dolar) tezmînat bide Erdogan.
Ozgur Ozel dema ku Serokwekîlê Koma CHPê ya Parlamentoyê bû sala 2020an di civîneke medyayê de derbarê Edogan de axivîbû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse