Hewlêr (Rûdaw) - Li navçeya Sumbasê ya parêzgeha Osmaniyeyê ya Tirkiyeyê îro zilamekî xwişka xwe û hevjîna wê kuştin û piştre xwe jî kuşt.
Li Gafarliyê ya Sumbasê Ahmet Cengîz çû ber mala xwişka xwe û ji ber sedemeke nehat zanîn bi tifingê xwîşka xwe Şadiye Ozerliya 41 salî û hevjînê wê Yusuf Ozerliyê 45 salî kuştin.
Ahmet Cengiz piştre jî xwe kuşt.
Li ser agahdarkirinê tîmên tenduristiyê û hêzên ewlehiyê çûn cihê bûyerê.
Tîmên tenduristiyê termê her sê kesan veguhastin morga nexweşxaneyê.
Hat zanîn pêştir di navbera Ahmet Cengiz û xwîşka wî ya mezin Şadiye Ozerliyê de pirsgirêk hebûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse