Tirkiye
Hêzên polîs ên Tirkiyê di dema biserdegirtinekê de li bajarê Edenê, îro 21ê Îlona 2021. Wêne: AA
Hewlêr (Rûdaw) - Li parêzgehên Edene û Mêrsînê yên Tirkiye û parêzgeha Sêrtê ya Bakurê Kurdistanê hêzên ewlehiyê bi ser hin navnîşanan de girtin û 9 kes bi tohmeta “endamtiya rêxistina terorê” hatin desteserkirin.
Serdozgeriya Komarî ya Edene, bi tohmeta “endamtiya rêxistinê” derbarê hinek rêvebirên Komeleya Alîkarî û Hevkariya Girtiyan a Edene (AATUHAY-DER) û - Komeleya Çukurova ji bo Alîkariya Malbatên Girtî û Mehkûman ÇUTHAY-DER a li Mêrsînê û HDPyiyan de lêpirsîn da destpêkirin.
Polîsan bi biryara Serdozgeriya Komarî ya Edenê, li parêzgehên Edene, Mersîn û Sêrtê bi ser hinek mal û şaxên AATUHAY-DERê yên Edene û Çukurovayê de girtin.
Li gor zanyariyan, polîsan dest danîne ser gelek belgeyên fermî yên AATUHAY-DERê.
Di operasyonê de, her 9 kesên ku biryara desteserkirinê derbarê wan de hatibû dayîn, ji aliyê hêzên polîs ve hatin desteserkirin, ku 8 kes ji wan li Edenê û kesek jî li Sêrtê bûye.
Ji rêvebirên AATUHAY-DERê Zakir Akalin û Sînan Balduz, herwiha Hevserokê Şaxa Seyhanê yê HDPê Yaşar Demir di nava kesên desteserkirî de ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse