Hewlêr (Rûdaw) - Wezareta Karên Navxwe ya Tirkiyeyê ragihand ku li Stenbolê milyonek û 87 hezar û 17 koçberên biyanî hene.
Serokê Şaredariya Bajarê Mezin a Stenbolê Ekrem Îmamoglu doh li bajarê Dusseldorfê yê Almanyayê di bernameyekê de li ser koçberên li Stenbolê axivî û got:
“Li Stenbolê 2 milyon û 500 hezar koçber hene.
Ev ji sedî 17-18ê nifûsa Stenbolê ye ku 16 milyon nifûsa wê heye. Zêdebûneke wiha nabe.
Ev ne rast e. Li koçberan jî neheqî ye û li Stenbolê jî neheqî ye.”
“Bi tevahî jî milyonek û 87 hezar û 17 biyanî hene”
Wezareta Karên Navxwe ya Tirkiyeyê îro li ser hesabê xwe yê Xê li ser mijare daxuyaniyeke wiha da:
“Li gorî amarên Serokatiya Îdareya Koçê ya Tirkiyeyê, li Stenbolê 530 hezar 612 welatiyên Sûriyeyî yên di bin parastina demkî de hene.
Herwiha 3 hezar û 252 biyaniyên di bin parastina navdewletî de û 553 hezar û 153 biyaniyên xwedî îqame hene û bi tevahî jî milyonek û 87 hezar û 17 biyanî hene.”
Wezaretê di berdewamiya daxuyaniyê de bersivek da Îmomoglu jî û got, “Ji kerema xwe ji gotinên berovajî ku tên belavkirin bawer nekin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse