Hewlêr (Rûdaw) – Li navçeya Kadikoy a Stenbolê di navbera komekê û polîsan de alozî derket û polîsan gule berdan hewayê. Polîsan pişt re jî 4 kes desteser kirin.
Li gor nûçeya AAye li Plaja Moda ya navçeya Kadikoya Stenbolê, îro danê êvarê çend gencan bi dengekî bilind guhdariya muzîkê kirine û dest bi kêfê kirine.
Polîsan midexaleyê ciwananan kir û dest bi ser hoparlora wan a muzîkê de girtin, li hemberî vê yekê ciwanan jî bertek nîşanî polîsan dan.
Di navbera polîs û ciwanan de alozî çêbû û polîsan gaza îsotê li ciwanan reşand.
Hin ciwanên komê li dijî hewldana polîsan a desteserkirinê nerazîbûn nîşan dan û li hemberî wê jî polîsek çek ji ber xwe derxist û gule berdan hewayê. Ciwanan xwest ji cihê bûyerê dûr bikevin, lê polîsan ketin li pey man.
Hat zanîn ku di encamê de ciwan hatin desteserkirin.
Li navçeya Kadikoy a Stenbolê di navbera komekê û polîsan de alozî derket û polîsan gule berdan hewayê. pic.twitter.com/7UEk4s6SUG
— RudawKurdi (@RudawKurdi) May 21, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse