Li Kocaeliyê 6 endam û rêveberên HDPê hatin desteserkirin

Hewlêr (Rûdaw) - Li Kocaeliyê rêveber û endamên HDPê xwestin daxuyaniyekê li dijî tûndûtîjiya li ser endamên HDPê bidin, lê polîsan rê bi wan neda û 6 kes desteser kirin.

Rêkxistina HDPê ya Kocaelî 19ê Kanûnê di demjimêrên şevê de xwest li Parka Îzmît Sabri Yalim a Kocaeliyê kom bibin û daxuyaniyekê di derbarê êrişa polîsan ya li dijî Hevserokê Rêkxistina HDPê yê Stenbolê Ferhat Encu de bidin.

Polîsan avahiya HDPê ya nêzîkî parkê dorpêç kir. Lê tevî dorpêça polîsan jî HDPyî ji avahiyê derketin û çûn Parka Îzmît Sabri Yalim. Endamên HDPê li vir pankart vekirin û xwestin daxuyaniyekê bidin lê polîsan nehişt û mudaxeleyî girseyê kir.

Hevserokê Rêxistina HDPê yê Kocaelî Aynur Santo û Şahabettin Işik, 2 rêveberên rêkxistina bajêr bi giştî 6 endamên HDPê hatin desteserkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger