Serokê Baroya Stenbolê diyar bû: Bi govendê hat pîrozkirin

RÛDAW

Hewlêr (Rûdaw) –  Baroya Stenbolê kongreya xwe ya 53yan a asayî li dar xist û Îbrahîm Ozden Kaboglu bû serokê nû yê baroyê.

Baroya Stenbolê kongreya xwe ya 53yan a asayî bi beşdariya gelek parêzer û nûnerên rêxistinên civaka sivîl li Navenda Kongreyê ya Halîçê ya Stenbolê li dar xist.

Îro di kongreyê de ji bo hilbijartina serokê nû yê baroyê dengdayîn hat kirin ku 12 namzed hebûn.

Di hilbijartinê de namzedê Koma Parêzerên a ji bo Guherînê Îbrahîm Ozden Kaboglu bi ser ket. 

Piştî ku Kaboglu bi ser ket, endamên Komeleya Hiqûqnasên Ji Bo Azadiyê (OHD) dirûşmên “Jin jiyan azadî” û “Heq hiqûq” berz kirin.

Her wiha biserketina Kabuoglu li Navenda Kongreyê ya Halîçê bi gerandina govendê û tilîliyan hat pîrozkirin.