Hewlêr (Rûdaw) - Li gor rapirsiya Lêkolînên Avrasya, dengên Tifaqa Millet ku ji partiyên opozîsyonê CHP û ÎYÎ Partiyê pêk tê, %3 ji dengên Tifaqa Cumhur ku ji partiyên desthilatê AK Partî û MHPê pêk tê zêdetir in.
Lêkolînên Avrasya, encamên rapirsiya ku di navbera 9-14 Çileyê de li 26 bajaran bi 1260 kesan re kiriye eşkere kir. %35.6ê beşdarvanan dibêjin dê Tifaqa Millet di hilbijartinan de bi serkeve û %32.3 jî dibêjin dê Tifaqa Cumhur di hilbijartinan de bi serkeve.
Di rapirsiyê de ji beşdarvanan pirsa “Eger vê Yekşemê hilbijartin bên kirin hûn ê dengê xwe bidin kîjan partiyê” hat kirin.
Piştî rêjeya kesên bêbiryar li ser partiyan bi yeksanî hatin belavkirin encam wiha derketin:
AK Partî: % 30.6
CHP: % 28.6
ÎYÎ Partî: % 11.3
HDP: % 11
MHP: % 5.8
Partiya DEVA: %5.6
Partiya Pêşerojê: % 1.5
Partiya Seadetê: % 1.1
Partiya Memleket: % 0.9
Partiya Demokrat: % 0.9
Partiya Karker a Tirkiyê: % 0.9
BTP: % 0.8
Yên din: % 1
Li gor encaman dengên Tifaqa Millet %39.9 in û dengên Tifaqa Cumhur %36.4 in.
Derbarê hilbijartinên serokkomariyê de, %55.1ê beşdarvanan dibêjin em dengê xwe nadin Recep Tayyip Erdogan û %33.4ê beşdarvanan dibêjin em ê dengê xwe bidin Recep Tayyip Erdogan.
Di rapirsiyê de ji beşdarvanan qeyrana aborî jî hatiye pirsîn. %100ê beşdarvanan dibêjin li Tirkiyê qeyrana aborî heye û %73.5ê beşdarvanan jî di wê baweriyê de ne ku li Tirkiyê qeyraneke aborî ya gelek mezin heye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse