Hewlêr (Rûdaw) - Parlamenterê AK Partiyê yê Stenbolê, Mustafa Yeneroglu, bûyera li Trabzonê weke bûyereke qirêj bi nav kir û bi pêwîst zanî, ku daxwza lêborînê li wan geştyaran bihê kirin. Yeneroglu herwiha got ew helwesta li dijî ala Herêma Kurdistanê ji bo îmaja welatê wan karesat e.
Parlamenterê AK Partiyê yê Stenbolê, Mustafa Yeneroglu di twîttekê de dibêje: “Ev al, şalgerden, ala Hikûmeta Herêma Kurdistana Iraqê ye. Helbet xelkê wê derê weke me rêz û hezkirina xwe jibo ala xwe nîşan didin. Eger êrîşkirina ser ala Tirkiyê li Hewlêrê her çi be, êrîşkirina ser ala Herêma Kurdistana Iraqê bi heman şêweyî girêj e.”
Mustafa Yeneroglu di beşeke din a peyama xwe de dibêje: “Weke ku êrîşkirina ser wan ne bes be, di ser de jî serederiya weke tawanbaran li gel wan geştyaran, nayê qebûlkirin.”
Parlamenterê AK Partiyê herwiha daye xuyakirin ku “nabe PKK weke hincet bo vê êrîşê bihê nîşandan.” Mustafa Yeneroglu tekez dike: “Girêdaana vê bûyerê bi PKKê nezanîne. Ez hêvî dikim lêborîn li wan geştyaran bihê xwestin.”
Yeneroglu di twîtteke din de dibêje: “Bi rastî hewla lînça li Trabozonê bimetirsîdar e. Her çawa em bi awayekî azad dikarin ligel ala xwe wêneyên bigirin, divê ji Kurdên li Bakurê Iraqê (mebesta wî Başûrê Kurdistanê ye) dijîn bi ala xwe wênegirtin nebe pirsgirêk. Ev yek ji bo îmaja welatê me karesat e.”
Trabzon'da gerçekleşen linç girişimi gerçekten korkunç. Al bayrağımızla dünyanın her yerinde nasıl özgür biçimde fotoğraf çektiriyorsak, Kuzey Irak'tan gelen Kürtlerin de kendi bayraklarıyla fotoğraf çektirmelerinde bir sakınca olamaz. Ülkemizin imajı açısından tam bir facia. pic.twitter.com/Dd3rZl18Nt
— Mustafa Yeneroğlu (@myeneroglu) July 18, 2019
Îmam Taşcier: Bi destê dewletê nijadperestî tê kirin
Parlamenterê HDPê yê Amedê Îmam Taşcier jî di twîttekê de derbarê bûyerê de got: “Kurdên ji Kurdistanê hatine Trabzonê, ji ber wêneyên xwe ligel ala Kurdistanê girtine, hem tûşî êrişê bûne û hem jî 9 kes hatine desteserkirin. Bi destê dewletê nijadperestî tê kirin.”
Kürdistan’dan Trabzon’a gelen Kürtler,Kürdistan bayrağı ile fotoğraf çektikleri için,hem saldırıya uğruyor hem de 9 kişi gözaltına alınıyor.4 kadın 5 erkek gözaltıları devam ediyor.
— Imam Tascıer (@ImamTascier) July 19, 2019
Devlet eli ile ırkçılık yapılıyor.
@suleymansoylu pic.twitter.com/j3uuR0AkN0
Li ser bûyera êrîşa ser geştyarên Kurd Walîtiya Trabzonê di daxuyaniyekê de ragihandibû, Serdozgeriya Giştî ya Navçeya Çaykara 9 kes desteser kirine û karûbarên dadweriyê derbarê wan de hatiye destpêkirin.
Parlamenterê CHPê: Çawa dibe walîtî daxuyaniyek wiha dide
Ev daxuyaniya Walîtiya Trabzonê rastî nerazîbûna parlamenterê CHPê Mehmet Bekaroglu hat. Belaroglu di twîttekê de bi tundî helwesta Walîtiya Trabzonê rexne kiriye û gotiye: “Welatî wiha fikirîne ku ev al, ala PKKê ye, lewma bertek nîşan dane. Baş e êdî çawan ku walîtî baş dizane ev ala û nivîsa han a Bakurê Iraqê ye, daxuyaniyek wiha belav dike? Gelo welatiyên me nikarin ala me li welatekî din bilind bikin?”
Vatandaşın bu atkıları PKK işareti sanıp tepki gösterdiğini düşünüyorum. Peki, Valilik Kürdistan yazısı ve işaretlerin Kuzey Irak’a ait olduğunu bile bile nasıl olur da böyle bir duyuru yapar? Bizim yurttaşlarımız bayrağımızı başka bir ülkede taşıyamaz mı, taşımaz mı? pic.twitter.com/Hz60HB6VKr
— Mehmet Bekaroğlu (@MBekaroglu) July 19, 2019
Hikûmeta Kurdistanê: Ala Kurdistanê destûrî ye
Hikûmeta Herêma Kurdistanê jî îro derbarê bûyerê de daxuyaniyek belav kir û têde ragihand, Ala Kurdistanê di çarçoveya Iraqê de destûrî ye û daxwaz kir, geştyarên Kurd bi zûtirîn dem bêne berdan.
Di daxuyaniya Hikûmeta Herêma Kurdistanê de hatiye gotin: “Serokê Hikûmeta Herêma Kurdistanê, tevî nîşandana nîgeraniya xwe li ser vê bûyerê, aliyên pêwendîdar ên Herêma Kurdistanê jî erkdar kirine, ku li gel berpirsên Tirkiyê bikevin têkiliyê, daku bi zûtirîn dem geştyarên Herêma Kurdistanê bêne azadkirin.”
Li ser yasayî û destûrîbûna Ala Kurdistanê, di daxuyaniyê de wiha hatiye gotin: “Aşkere ye ku Ala Herêma Kurdistanê, di nav Iraqê de aleke destûrî ye û pêştir jî li firokexaneyan û holên pêşwaziyê li Tirkiyê, jibo pêşwazîkirina li aşndên Herêma Kurdistanê hatiye danîn.”
Çi bibû?
Grûpeke geştyarên Kurd ên ji Başûrê Kurdistanê, ku ji 50 kesan pêk hatibû, li Trabzonê rastî êrêşa tundrewan hatibûn. ji ber ku xwestibûn bi Ala Kurdistanê wêneyên xwe bigirin, li navçeya Çaykara ya Trabzona Tirkiyê rastî êrîşa nijadperestên Tirk hatibûn.
Piştî bûyerê 9 kes ji geştyarên Kurd ji aliyê hêzên polîs ên Tirkiyê ve hatibûn girtin ku îro piştî nîvro hatin berdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse