Hewlêr (Rûdaw) – Êrişa li nexweşxaneya Xezeyê, li gelek bajarên Tirkiye û Bakurê Kurdistanê bi xwepêşandanan hat şermezarkirin.
Ev êriş li bajarê Edeneyê yê Tirkiyeyê jî hat protestokirin.
Di xwepêşandanan Edeneyê de 2 polîs birîndar bûn.
Girseya welatiyan bi alên Filistînê, li ber konsulxaneya Amarîkayê ya Edeneyê kom bû.
Sazî û dezgehên sivîl jî di çalakiyê de cih girt û wan daxwaza bidawîanîna êrişan kir.
Piştî axaftinan, komekê kevir avêtin konsulxaneyê û wan xwest bikevin hundir.
Polîsan rê li ber wan girt û du polîsên ku midaxeleyî girseyê kir bi keviran birîndar bûn.
Tîma polîsan piştî demekê xwepêşanderên li ber konsulxaneyê belav kirin.
Çi bûbû?
Şava borî êrişî Nexweşxaneya El-Ehlê Baptîstê ya li Xezeyê hat kirin.
Di vê êrişê de herî kêm 500 Filistînî hatin kuştin, bi sedan kes birîndar bûn.
Gelek welat û saziyên navneteweyî da zanîn ku Îsraîlê ev êriş encam daye.
Artêşa Îsraîlê li ser mijarê daxuyaniyek da û ev îdia red kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse