Hewlêr (Rûdaw) - Li navçeya Sulusarayê ya parêzgeha Tokatê ya Tirkiyeyê şeva borî du erdhej çêbûn.
Serokatiya Rêveberiya Karesat û Rewşên Bilez a Tirkiyeyê (AFAD) ragihand ku pileya erdheja yekem 4,7 û pileya ya duyem jî 4,1 e.
Li gorî AFADê, erdhejan demjimêr 01:06 û demjimêr 02:35an rû daye.
Kûrahiya erdheja yekem 9,97 û kûrahiya erdheja duyem jî 7 kîlometre bûye.
“Ti agahiya xirab nehatiye”
Parêzgarê Tokatê Numan Hatîpoglu çû navçeyê û got:
“Xebatên tîmên me yên li qadê berdewam dikin, heta niha ti agahiya xirab nehatiye.”
Numan Hatîpoglu ragihand ku li navçeyên Sulusaray, Artova û Yeşîlyurtê dê dibistan îro girtî bin.
Li hêla din, erdhejên li pey hev bûn sedema tirsê û xelk heta berê sibehê li derve ma.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse