Polîsan bi darê zorê formayê Berfînê jê kir û nehişt here Newrozê

Hewlêr (Rûdaw) – Polîsan rê neda ku Berfîna bi Sendroma Downê bi formayê Amedsporê here Newrozê û formayê wê bi darê zorê jê kir.

Bûyerê li navçeya Daricayê ya parêzgeha Kocaeliyê ya Tirkiyeyê rû da.

Berfîna ku bi Sendroma Downê ye xwest bi cilê Amedsporê derbasî qada Newrozê bibe.

Lê polîsan nehişt û bi darê zorê formayê wê jê stand.

Berfînê piştî vê yekê krîz derbas kir û ket erdê.

Parlamenterê DEM Partiyê yê Kocaeliyê Omer Faruk Gergerlîoglu dîmenên wan kêliyan li ser hesabê xwe yê Xê belavkirin.

Di dîmenan de xuya dibe ku Berfîn gelekî xemgîn e, gelekî digirî û paşê jî ji hişê xwe diçe.

Omer Faruk Gergerlîoglu da zanîn ku wan Berfîn rakiriye nexweşxaneyê.

Herwiha di dîmenan de xuya dibe ku Gergerlîoglu û xelk bertekê nîşanî polîsan didin.

Jinek ji polîsan dibêje, “Hûn ji mirovatiyê dûr ketin. Dîmenan bigirin da gelê me zanibe hûn kî ne.”

Berfîn bi Sendroma Downê ye
📌 Xwest bi formayê #Amedspor'ê here Newroza Kocaeliyê
📌 Polîsan forma bi zorê jê kir û nehişt ew zarok here #Newroz'ê
📌 Berfîn demeke dirêj giriya û ket erdê
📌 Omer Faruk Gergerlîoglu da zanîn ku wan Berfîn rakiriye nexweşxaneyê pic.twitter.com/peyvNMQrfP

— RudawKurdi (@RudawKurdi) March 18, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger