Hewlêr (Rûdaw) - Li navçeya Kuçukçekmeceyê ya bajarê Stenbolê di encama teqîneke ji ber gaza xwezayî ya di avahiyeke 5 qatî de kesek mir û 5 kes jî birîndar bûn.
Li gorî zanyariyan di avahiyeke 5 qatî ya li taxa Ataturkê ya navçeya Kuçukçekmeceyê ya Stenbolê de teqînek çêbû.
Parêzgariya Stenbolê bi daxuyaniyekê ragihand ku ew teqîn ji ber gaza xwezayî çêbûye û di teqînê de kesek miriye û 5 kes jî birîndar bûne ku birînên 2yan ji wan giran in.
Li ser agahdarkirinê tîmên tenduristiyê çûn cihê bûyerê û birîndar birin nexweşxaneyê.
Parêzgariya Stenbolê herwiha ragihand ku wan li ser bûyerê lêkolîn daye destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse