Tezkereya Başûr û Rojavayê Kurdistanê hat qebûlkirin
Hewlêr (Rûdaw) - Tezkereya Başûr û Rojava Kurdistanê, Li Parlamentoya Tirkiyeyê hat qebûlkirin.
Li gorî vê tezkereyê, Tirkiye dikare 2 salên din jî leşkerên xwe li Başûr û Rojavayê Kurdistanê bihêle.
Tezkereya Serokkomariya Tirkiyeyê, hefteya borî ji Serokatiya Parlamentoya Tirkiyeyê re hat şandin.
Ev tezekere rê dide ku artêşa Tirkiyeyê biçe nav axa Rojava û Başûrê Kurdistanê.
Piştî gotûbêjên li komîsyonê, tezkere ji Lijneya Giştî ya Parlamentoyê re hat şandin.
Di rûniştina îro de Partiya Gel a Komarî (CHP) û HEDEPê dengê “Na” da.
Li aliyê din, AK Partî, MHP, ÎYÎ Partî, Partiya Devayê û partiyên din dengê “Erê” da.
Di encama dengdanê de tezkere bi piraniya dengên Parlamentoya Tirkiyeyê hat qebûlkirin.
Li gorî tezkereyê, dê leşkerên Tirkiyeyê bi hinceta “hebûna PKK, YPG û DAIŞê” 2 salên din Başûr û Rojavayê Kurdistanê bimînin.