Hewlêr (Rûdaw) - Li parêzgeha Artvînê ya Tirkiyeyê ji ber barana zêde lehî rabû, ax herifî û rêyên 32 gundan hatin girtin.
Li Artvînê ji ber barana ku doh demjimêrên nîvro dest pê kir û heta derengê şevê berdewam kir li hinek cihan lehî rabû û li hinek cihan jî ax herifî.
Di encamê de rêyên 32 gundan hatin girtin.
Li navçeya Arhaviyê rêya 18 gundan, li Borçkayê rêyên 8 gundan û li Hopayê jî rêyên 6 gundan hatin girtin.
Her wiha ji ber bilindbûna asta ava Çemê Kapîsreyê navendeke pîşesaziyê û cihê razanê yê xwendekaran ku li kêleka çem bûn hatin valakirin.
Parêzgarê Artvînê Cengiz Unsal derbarê lehiyê got:
"Ji bo egera barîna baraneke zêdetir û lehiyê tedbîrên pêwîst hatin wergirtin û xebatên paqijkirinê tên kirin.
Her wiha ji bo parastina canê xelkê tiştê pêwîst dê were kirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse