Hewlêr (Rûdaw) - Li gorî rapirsiya Navenda Lêkolînên Civakî ya Yoneylemê, pirsgirêka herî mezin a Tirkiyeyê krîza aborî ye.
Navenda Lêkolînên Civakî ya Yoneylemê encamên rapirsiya ku di navbera 9 û 12ê Nîsanê de li 81 bajarên Tirkiye û Bakurê Kurdistanê, bi 2 hezar û 400 kesan re kiribû eşkere kirin.
Ji kesên ku beşdarî rapirsiyê bûne 6 pirs hatine kirin.
Li gorî rapirsiyê, pirsgirêka herî mezin a Tirkiye û Bakurê Kurdistanê krîza aborî ye û bêdadmendî di rêza duyem de ye.
Ji sedî 44,4an a xelkê dibêje ku pirsgirêka herî mezin a Tirkiyeyê krîza aborî ye û ji sedî 25,1 jî dibêje bêdadmendî ye.
Ji kesên ku beşdarî rapirsiyê bûne, pirsa hilbijartina serokkomariyê û hilbijartina giştî jî hatine kirin.
Îmamoglu li pêş Erdogan e
Di hilbijartina serokkomariyê de Ekrem Îmamoglu bi rêjeya ji sedî 48 yekem û Recep Tayyîp Erdogan bi rêjeya ji sedî 39 di rêza duyem de ye.
Li gor rapirsiyê, CHP partiya yekem e û eger vê yekşemê hilbijartin bê kirin dengên partiyan wiha ne:
CHP: 36,1
AK Partî: Ji sedî 32,5
DEM Partî: Ji sedî 8,7
MHP: Ji sedî 7,9
ÎYÎ Partî: Ji sedî 4,2
Partiya Zaferê: Ji sedî 3,8
Yenîden Refah: Ji sedî 2,8
Partiya Karkerên Tirkiyeyê (TÎP): 1,2
Partiya Anahtarê: Ji sedî 1,1
Yên din: Ji sedî 1,7
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse