Biryara doza kuştina Hakim Dalê ji Amedê hat eşkerekirin
Hewlêr (Rûdaw) - Di doza Hakim Dal de yê ji Ameda Bakurê Kurdistanê ku li Konyayê hatibû kuştin tenê bo kesekî 25 sal cezaya girtîgehê hat dayîn.
Li gundê Çariklar ê navçeya Meramê ser bi parêzgeha Konyayê ya Tirkiyê, roja 21ê Temûzê komeke nîjadperest ku ji 60 kesî pêk hatibûn êrişî malbata Kurd a ji Ameda Bakurê Kurdistanê kiribûn û ji wê malbatê Hakîm Dal ê 43 salî bi 2 guleyan kuştibûn û birayê wî birîndar kiribûn.
Doza ku 40 kes dihatin darizandin roja 16ê Adara 2023ê li 7emîn Cezaya Giran a Konyayê birêve çû.
Parêzerê malbatê Abdurahman Karabulut li ser hesabê xwe yê Twitterê ragihand, “80 kesan bi çek û keviran êrîşî Hakim Dal kir. Dema ku 10 kesan li Hakim Dal dida, kesekî bi çek gule berda pişta wî û ew kuşt. Encam, bo kesekî 25 sal ceza, bo yên din jî bi hinceta birîndarkirinê her yek 4 meh ceza. Bi ser de jî bi hinceta tehrîkkirinê cezaya kujerên daxistin.”
KAHROLUYORUM!
— Av.Abdurrahman Karabulut (@avkrblt) March 16, 2023
80 Kişi silahlar,taşlar ile Hakim Dal'a saldırıyor. 10 kişi Hakim Dal'ı darp ederken içlerinden bir kişi Hakim Dal'ı sırtından silahla vurarak öldürüyor.
Sonuç;bir kişi 25 yıl, diğerleri yaralamadan 4'er ay ceza alıyor.
Üstelik katillere tahrik indirimi uygulanıyor. pic.twitter.com/bGqOh04cgQ
Parêzer Karabulut dibêje dadgehê 3 sal mehek û 15 roj ceza daye her du birayên Hakim Dal, Hamdi û Mustafa Dal. Karabulut got “Bo Hamdi Dal û Mustafa Dal ên ku dema li birayê wan Hakim Dal didan bo rizgarkirina wî hatin, bi hinceta ku gule bi esman ve berdane 3 sal mehek û 15 roj ceza hat dayîn.”