Davutoglu: Helebce navê êşa dil e

Hewlêr (Rûdaw) - Serokê Partiya Pêşerojê Ahmet Davutoglu derbarê komkujiya Helebceyê de got “Helebce navê êşa dil e.”

Serokê Partiya Pêşerojê Ahmet Davutoglu di 35emîn salvegera komkujiya Helebceyê de li ser hesabê xwe yê Twitterê peyamek parve kir û

Davutoglu di peyama xwe de dibêje “Helebce navê êşa dil e. Her cara ku ez li zarokên bêguneh ên bêyî ku bizanibim çekên kîmyayî ne ber bi bêhna sêvan ve baz didin û bedenên bêcan ên birayên me yên Kurd difikirim, dilê min dişewite.”

Herwiha Davutoglu got “ Bi hezaran xwişk û birayên me yên ku li Helebceyê canl xwe ji dest dane bi rehmet bi bîr tînim.”

#Halepçe yürek acısının adıdır. Kimyasal silah olduğunu bilmeden elma kokusuna koşan masum çocukları ve Kürt kardeşlerimizin cansız bedenlerini her düşündüğümde içim yanar.

Halepçe'de can veren binlerce kardeşimizi rahmetle anıyorum.

— Ahmet Davutoğlu (@Ahmet_Davutoglu) March 16, 2023

Di 16ê Adara 1988’an de bi fermana dîktartorê berê yê Iraqê Sedam Husên bi firokeyan bombeyên kîmyewî avêtin Helebceyê.

Di komkujiyê de jin, zarok û kal û pîr di nav de herî kêm 5 hezar kesan jiyana xwe ji dest dan, zêdeyî 10 hezar kes birîndar bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger