Hewlêr (Rûdaw) - Serokê Giştî yê Partiya DEVAyê Alî Babacan ragihand ku eger li Tirkiyeyê pêvajoya aştiyê dest pê bike ew dê teqez piştgiriyê bidinê.
Serokê Partiya Demokrasî û Bipêşveçûnê (DEVA) Alî Babacan derbarê mijarên li rojevê ji medyaya Tirkiyeyê re axivî.
Serokê MHPyê Devlet Bahçelî 1ê Çiriya Pêşîn çû cem parlamenterên DEM Partiyê û silav da wan.
Piştî vê yekê pirsa “Gelo pêvajoyeke nû ya aştiyê dest pê dike?” yek ji rojevên sereke ye.
Alî Babacan jî derbarê vê mijarê nêrînên xwe anîn ziman û diyar kir ku hewldan û diyalogên ji bo çareseriyê dê sûdê bidin Tirkiyeyê.
Babacan li ser mijarê wiha got:
“Eger pêvajoyeke wiha dest pê bike û wekî raman û tevgerên me be û li gorî tecrubeyên me were birêvebirin divê şansek were dayîn û em jî dê bibin piştgirê wê."
"Amadehiyeke baş e pêşwext heye?"
Babacan her wiha gumanên xwe yên têkildarî dilsoziya vê mijarê jî wiha anîn ziman:
“Em nizanin ka dilsoziyek heye yan na? Hêman çi ne? Em nizanin. Di hundirê wan de çi heye? Em nizanin.
Bi rastî jî stratejiyeke baş a yekeyên dewletê heye? Amadehiyeke baş e pêşwext heye?
An jî ev ji bo mijûlkirina rojevê ye û dixwazin xelk çend mihan bi vê mijarê ve mijûl bibe. Em bi zelalî van tiştan niha nizanin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse