Hewlêr (Rûdaw) - Li bajarê Stenbolê yê Tirkiyeyê kesekî di mizgeftekê de alkol vexwar û wêneyê wê demê li ser tora civakî belav kir, ew kes hat desteserkirin.
Li bajarê Stenbolê yê Tirkiyeyê kesekî bi navê S.Y.O. di mizgeftekê de alkol vexwar û piştre jî wêneyê şûşeya xwe ya alkolê li ser hesabê xwe yê tora civakî belav kir.
Kesê navborî li ser wî wêneyî jî nivîsîbû, “3200 mizgeft hene, eger karibin bibînin…”
Piştî belavkirina wî wêneyî hêzên ewlehiyê ji bo desteserkirina wî kesî dest bi xebatan kir û ew kes bi operasyonekê desteser kir.
Wezîrê Karên Navxwe yê Tirkiyeyê Alî Yerlîkaya li ser hesabê xwe yê tora civakî dîmenên desteserkirina wî kesî belav kirin û nivîsî:
“Kesê bi navê S.Y.O. ku li ser tora civakî di mizgeftekê de wêneyê vexwarina alkolê belav kiribû û nivîsîbû “3200 mizgeft hene, eger karibin bibînin..” ji aliyê tîmên Rêveberiya Ewlehiyê ya Stenbolê ve hatiye desteserkirin.
Hêzên me yên ewlehiyê wekî her tawanbarekî ev şexs jî desteser kiriye û radestî dadê kiriye.”
Sosyal medyada camide alkol kullandığını gösterir fotoğraf paylaşan ve ‘’3200 cami içinde hangi cami olduğunu bulabilirlerse…” diye yazan S.Y.Ö. adlı şahıs #İstanbul’da Emniyet Mensuplarımızca YAKALANMIŞTIR.
— Ali Yerlikaya (@AliYerlikaya) September 15, 2023
KAHRAMAN TÜRK POLİSİ HER SUÇLUYU BULUP YAKALADIĞI GİBİ BU ŞAHSI DA… pic.twitter.com/NnTV1ffUQY
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse